١. ئامانج
ئەم سیاسەتە بنەما و پێوەرەکانی پاکی ئەکادیمی دیاری دەکات و ئەرکی هەموو خوێندکاران، مامۆستایان، توێژەران و کارمەندان ڕوون دەکات.
٢. ئەرکەکانی خوێندکار
خوێندکاران پێویستە:
- هەموو ئەرک و توێژینەوەکانیان بە دڵسۆزی و بە شێوەی سەربەخۆ ئەنجام بدەن، مەگەر هاوکاری پێدراو بێت.
- سەرچاوەکان بە شێوەی دروست ئاماژە پێبدەن.
- لە دزینی ئەدەبی (Plagiarism)، غەشکردن، دروستکردنی زانیاری هەڵە و هەر جۆرە ناشەرعییەکی ئەکادیمی دووربکەونەوە.
- پابەند بن بە ڕێساکانی تاقیکردنەوە و یاساکانی زانکۆ.
٣. ئەرکەکانی مامۆستایان
مامۆستایان پێویستە:
- کەلتوری پاکی ئەکادیمی بڵاوبکەنەوە.
- هەڵسەنگاندنی دادپەروەرانە و ڕوون ئەنجام بدەن.
- خوێندکاران فێری ڕێگاکانی دروستی ئاماژەدان و ئەخلاقی توێژینەوە بکەن.
- هەر دۆخێکی پێشێلکاری بە گوێرەی یاساکانی زانکۆ چارەسەر بکەن.
٤. پێشێلکارییە ئەکادیمییەکان
لەوانەیە بریتی بن لە:
- دزینی ئەدەبی (Plagiarism).
- غەشکردن لە تاقیکردنەوە یان ئەرکەکان.
- ساختەکردنی داتا یان ئەنجامی توێژینەوە.
- هاوکاری نەڕێپێدراو.
- خۆنواندنی کەسێکی تر یان یارمەتیدانی لە غەشکردن.
- بەکارهێنانی نادروستی ئامرازەکانی هوشی دەستکرد (AI) یان تەکنەلۆژییەکانی تر بە پێچەوانەی ڕێنمایییەکانی وانە.
٥. لێکۆڵینەوە لە پێشێلکاری
هەموو گومانێک سەبارەت بە پێشێلکاری ئەکادیمی بە شێوەی دادپەروەرانە و نهێنی لەلایەن لێژنە پەیوەندیدارەکانی زانکۆ لێکۆڵینەوەی لێدەکرێت.
٦. سزاکان
ئەوانەی بە پێشێلکاری ئەکادیمی تاوانبار دەردەچن، بە گوێرەی یاسا و ڕێنماییەکانی زانکۆ بەرپرسیارن و لەوانەیە سزای ئەکادیمی یان کارگێڕی بەرامبەر بگرن.
٧. پابەندبوون
زانکۆی بابەگەورگەر هانی هەموو ئەندامانی کۆمەڵگای ئەکادیمی دەدات پابەند بن بە بەرزترین پێوەرەکانی ڕاستگۆیی، بەرپرسیارێتی و ئەخلاقی زانستی، بۆ دروستکردنی ژینگەیەکی فێرکاری پڕ لە متمانە، ڕێز و نایابی ئەکادیمی.