زانکۆی بابەگوڕگوڕ، رۆژی شەممە، دەستیکرد بە ئەنجامدانی تاقیکردنەوەکانی کۆتایی وەرزی یەکەم / خولی یەکەم بۆ قۆناغە یەکەمەکان لە ساڵی خوێندنی ٢٠٢٥-٢٠٢٦، ئەمەش لە نێوان ئامادەکارییەکی تەواوی کارگێڕی و ڕێکخستندا کە ئامانج لێی دابینکردنی کەشێکی گونجاو بوو بۆ بەڕێوەچوونی تاقیکردنەوەکان بە شێوەیەکی گونجاو.
تاقیکردنەوەکان بەپێی خشتە ڕاگەیەندراوەکان و لەژێر سەرپەرشتی ڕاستەوخۆی لیژنەکانی تاقیکردنەوە لە کۆلێژ و بەشە زانستییەکاندا بەڕێوەچوون، لەگەڵ پابەندبوونی تەواو بە ڕێنمایی و یاسا وزارییەکان، بە مەبەستی دڵنیابوون لە شەفافیەت و ڕێکوپێکی و بەدیهێنانی دادپەروەری لە نێوان خوێندکاراندا.
لەو چوارچێوەیەدا، پڕۆفیسۆر دکتۆر محسن عمر محمد شوانی، سەرۆکی زانکۆی باباگوڕگوڕ، بەسەرکردنەوەیەکی مەیدانی بۆ هۆڵەکانی تاقیکردنەوە ئەنجامدا، کە تێیدا ئاگاداری چۆنیەتی بەڕێوەچوونی تاقیکردنەوەکان و ئاستی ڕێکخستن و ئەو خزمەتگوزارییانە بوو کە پێشکەش بە خوێندکاران دەکرێن، جەختیشی لە گرنگی دابینکردنی ژینگەیەکی هێمن و گونجاو کردەوە کە ببێتە هۆی زیاترکردنی تەرکیزی خوێندکاران بۆ ئەوەی بتوانن تاقیکردنەوەکانیان بە باشترین شێوە ئەنجام بدەن.
هەروەها بەڕێزیان دەستخۆشی لە هەوڵەکانی لیژنەکانی تاقیکردنەوە و ستافی مامۆستایان و کارگێڕان کرد، و ستایشی پەرۆشیی ئەوانی کرد بۆ سەرخستنی تاقیکردنەوەکان بەپێی بەرزترین پێوەرە ئەکادیمییەکان، و هیوای سەرکەوتنی بەردەوامی بۆ خوێندکاران خواست.
