بە چاودێری سەرۆکی زانکۆی باباگوڕگوڕ و بە ئامادەبوونی خاتوو پەروین فاتح، ئەندامی ئەنجومەنی پارێزگای کەرکوک، بەیانی ڕۆژی دووشەممە ڕێکەوتی ٢٥/٥/٢٠٢٦، پێشانگای (سیمبۆزیۆمی شێوەکاری کەرکوک) کرایەوە، کە لەلایەن کۆشکی ڕۆشنبیری و هونەری کەرکوک بە هاوکاری سەندیکای هونەرمەندانی عێراق – لقی کەرکوک، لە هۆڵەکانی زانکۆی باباگوڕگوڕ بەڕێوەچوو.
لە مەراسیمی کردنەوەکەدا ژمارەیەک لە ئەکادیمیستان، هونەرمەندان و لایەنگرانی بواری ڕۆشنبیری و هونەری ئامادەبوون. پێشانگاکە کۆمەڵێک بەرهەمی شێوەکاری ناوازەی لەخۆگرتبوو کە داهێنانی هونەرمەندانی بەشداربوو و فرەڕەنگی قوتابخانە هونەرییەکان و شێوازە دەربڕینییەکانیانی بەرجەستە کردبوو.
